ایوانِ تنقید و تفہیم (غزل برائے تنقید و تبصرہ)
شاعر: سفیر صدیقی
گفتگو: ۔۔۔۔۔۔۔۔۔۔۔۔۔۔۔۔۔۔۔
ہو بیٹھا ہے کسی کی طلب میں ملنگ دل
اب چاہتا ہے عقل سے اک سرد جنگ دل
وہ مجھ کو سر پٹکنے پہ مجبور کر گیا
آیا تھا ایک شخص مرے پاس سنگ دل
آتش گرفتہ خوابوں سے اٹھتا ہوا دھواں
کر ڈالے گا سیاہ مرا سرخ رنگ دل
بیٹھا دو اس کو عقل کی صحبت میں تھوڑی دیر
رہ جائے گا خود اپنے ارادوں پہ دنگ دل
بدلا سا لگ رہا ہے محبت کے بعد تو
کچھ اور ہوگئے ہیں ترے رنگ ڈھنگ، دل!
یہ بےبسی کا ظلم نیا تو نہیں سفیر!
کھاتا رہا ہے وقت کے تیر و تفنگ دل
 شاعر: سفیر صدیقی گفتگو: ۔۔۔۔۔۔۔۔۔۔۔۔۔۔۔۔۔۔۔ ہو بیٹھا ہے کسی ...){kind=link}
Post a Comment