Showing posts with label Urdu Ki Malumat. Show all posts
Showing posts with label Urdu Ki Malumat. Show all posts

اردو اصناف سخن میں قصیدہ کا مقام

اردو اصناف سخن میں قصیدہ کا مقام

قصیدہ نگاری کی ابتداء عربی زبان میں ہوئی ۔ اہل عرب عکاظ کے میلہ میں جمع ہوتے اور اپنے لکھے ہوئے قصائد سناتے ۔ ان قصیدوں میں سے 7 قصائد کو چن کر کعبہ شریف کی دیوار پر چسپاں کیا جاتا تھا ۔ اقوام عالم کی زبانوں میں عربی کو فصیح اور بلیغ زبان تصور کیا جاتا ہے ۔ اسی لئے آخری صحیفۂ آسمانی بھی اسی زبان میں اتارا گیا ۔ عرب شعراء بڑے قادرالکلام ہوا کرتے تھے ۔ وہ گھوڑے کی پشت پر سوار ہو کر دس ، بیس میل کی مسافت طے کرتے اور اسی دوران قصیدہ کے اشعار مکمل کرلیتے تھے ۔ عرب خود کو بولنے والا اور دیگر تمام ممالک کو عجمی یعنی گونگا کہا کرتے تھے ۔ جب عکاظ کے میدان میں لوگ قصیدے لکھ کے لاتے اور چیدہ قصیدوں کو کعبہ کی دیوار پر لٹکادیا جاتا تھا جس کا مقصد یہی تھاکہ اس سے بہتر کلام پیش کرنے کی صلاحیت والوں کو چیلنج کیا جائے ۔

عربی سے قصیدہ کی صنف فارسی میں اور فارسی سے اردو ادب میں مقبول ہوئی ۔ قصیدہ عربی کے لفظ قصد سے مشتق ہے ۔ قصد کے معنی ارادہ کے ہیں اور قصیدہ بالارادہ لکھی جانے والی شاعری ہے ۔ قصیدہ ایسی صنف سخن کو کہا جاتا ہے جو کسی کی تعریف میں بالارادہ لکھی جائے ۔ اگر تعریف میں قصیدہ لکھا جاتا ہے تو وہ مدحیہ قصیدہ کہلاتا ہے اور اگر مذمت میں لکھا جائے تو ہجویہ قصیدہ کہلاتا ہے ۔ قصیدہ میں پرشکوہ الفاظ کا استعمال کیا جاتا ہے اور عام طور پر الفاظ معرب اور مفرس استعمال کئے جاتے ہیں ۔ مبالغہ قصیدہ کا لازمی جزو قرار دیا جاتا ہے ۔ غالب نے بہادر شاہ ظفر کی مدح میں قصیدہ لکھا تھا جس سے مبالغہ کا اندازہ کیا جاسکتا ہے ۔

تم سلامت رہو ہزار برس
ہر برس کے ہوں دن پچاس ہزار
قصیدہ کے اجزائے ترکیبی میں تشبیب ، گریز ، مدح اور دعا کو بڑی اہمیت حاصل ہے اور انہیں فنی طور پر قبول کیا جاتا ہے ۔
تشبیب : تشبیب میں۲ ، ۴ ، ۶ یا ۸ یا اس سے بھی زائد بند لکھے جاتے ہیں ۔ قصیدہ کے پہلے حصے یعنی تشبیب میں حسن کی تعریف و توصیف کی جاتی ہے ۔ تشبیب لفظ شباب سے نکلا ہے عام طور پر قصائد میں بہاریہ تشبیب یا پھر چاند اور چاندنی رات کی تشبیب باندھی گئی ہے ۔
گریز : قصیدہ کا دوسرا حصہ گریز ہے جس میں تشبیب سے پرہیز کرتے ہوئے ممدوح کی تعریف کی جانب توجہ دی جاتی ہے جس سے قصیدے میں نیا موڑ پیدا ہوتا ہے ۔ عام طور پر گریز کے دوران ہی مدح کا وسیلہ تلاش کیا جاتا ہے ۔ گریز کے دوران ۲ تا ۴ بند پر اکتفا کیا جاتا ہے ۔
مدح : قصیدہ کا یہ حصہ عام طور پر ممدوح کی تعریف پر مشتمل ہوتا ہے اور قصیدہ نگار مبالغہ کے دریا بہاتا ہے ۔ قصیدہ میں مبالغہ کی وجہ سے دلکشی پیدا ہوتی ہے ۔ قصیدہ کے پہلے جز یعنی تشبیب کے پڑھنے سے قصیدہ کے معیار کا پتہ چلتا ہے اور مدح کے ذریعہ شاعر کی کلام پر دسترس کا اندازہ ہوتا ہے ۔ غرض قصیدہ میں گریز کے بعد کا مرحلہ مدح سے وابستہ ہے ۔
دعا : مدح کے بعد یا قصیدہ کے دوران شاعر اپنا مدعا ظاہر کرتا ہے اور آخر میں ممدوح کے حق میں دعا کرتا ہے ۔اس طرح دعا اور حسن مدعا بھی قصیدہ کے ایک جزو کا مرتبہ رکھتے ہیں ۔
قصیدہ چاہے کسی بھی ملک میں لکھا جائے اس کو شاہی اور جاگیر شاہی نظام کی دین تصور کیا جاتا ہے ۔ ایران ہو یا ہندوستان ، جہاں بھی بادشاہت تھی وہاں کے شعراء نے ان بادشاہوں کی تعریف میں قصیدے لکھے جس کا مقصد حصول انعام و اکرام رہا ۔ بادشاہ ، نواب ، نواب زادے اور جاگیردار حضرات نے ان شعراء کی مالی امداد کے لئے نہ صرف وظائف مقرر کئے بلکہ مختلف انداز میں شعراء کو نوازا ۔ اس طرح شاعری میں قصیدہ کو عروج حاصل ہوا ۔
قصیدہ کے اقسام : قصیدے کو دو اقسام میں تقسیم کیا جاتا ہے ۔ ایک تمہیدیہ اور دوسرا خطابیہ ۔



تمہیدیہ : ایسا قصیدہ جس میں ممدوح کی تعریف سے پہلے تمہید کے طور پر تشبیب اور گریز ہو وہ تمہیدیہ قصیدہ کہلاتا ہے ۔
خطابیہ : ایسے قصیدے جس میں تشبیب اور گریز نہیں ہوتے بلکہ قصیدہ کا آغاز ہی ممدوح کی تعریف سے شروع ہوتا ہے وہ خطابیہ قصیدہ کہلاتا ہے ۔ قصیدوں کو مضمون کے اعتبار سے چار قسموں میں تقسیم کیا جاسکتا ہے ۔ مدحیہ ، ہجویہ ، وعظیہ اور بیانیہ ۔ اردو شاعری میں سوداؔؔ کو قصیدہ گوئی میں اولیت کا شرف حاصل ہے ۔ قصیدہ میں ان کے مدحیہ قصائد اور ہجویہ قصائد اہمیت کے حامل ہیں۔ مصحفیؔ نے سوداؔ کو ’’قصیدہ کا نقاش اول، زبان کا حاکم اور ہجو کا بادشاہ‘‘ بتایا ہے اور محمد حسین آزاد نے ان کی قصیدہ گوئی کو خراج تحسین پیش کرتے ہوئے لکھا ہے ’’اول قصائد کا کہنا پھر اس دھوم دھام سے اعلی درجے اور فصاحت پر پہونچانا ان کا پہلا فخر ہے ۔ وہ اس میدان میں فارسی کے نامی شہہ سواروں کے ساتھ عنان در عنان ہی نہیں بلکہ اکثر میدانوں میں آگے نکل گئے ہیں ۔ ان کے کلام کا زور و شور انوری و خاقانی کو دباتا ہے اور نزاکت مضمون میں عرفی و ظہوری کو شرماتا ہے‘‘ ۔سودا نے قصیدہ کو اجزائے ترکیبی سے وابستہ کیا ۔ اگر شاعری میں کسی کی شخصیت پر لعن طعن کی بات ہو تو ایسے قصیدہ کو ہجویہ قصیدہ کہتے ہیں ۔ ہجویہ قصیدہ کے ساتھ ہی سودا کے ملازم خاص غنچہ کا تصور ذہن میں آجاتا ہے جو ہمیشہ سودا کے ساتھ قلم دان لئے پھرتا تھا ۔ اگر سودا کسی سے خفا ہوجاتے چاہے وہ کتنا ہی صاحب ثروت و ذی اثر آدمی کیوں نہ ہو ۔ کچھ ہی دیر میں سودا اس کے تعلق سے ہجو لکھ دیتے تھے اور چند ہی گھنٹوں میں اس ہجو کی سارے شہر میں گشت ہونے لگتی تھی ۔

سودا نے رثائی کلام پر بھی خصوصی توجہ دی ۔ مرثیہ کے لئے انہوں نے مسدس کی ہیئت تجویز کی چنانچہ آج تک بھی مرثیہ اسی ہئیت میں لکھا جاتا ہے ۔ جاگیردارانہ نظام میں بادشاہ کی حیثیت ایک درخت جیسی تھی اور اس کے نواب ، جاگیردار وغیرہ اس کی شاخیں تھیں ۔ جب یہ درخت ہی اکھڑ گیا تو سارا نظام درہم برہم ہوگیا ۔ جب ممدوح نہ رہے تو مدح کس کی کی جائے گی ۔ اس طرح صنف قصیدہ روبہ زوال ہوئی لیکن ہمارے ادب کا یہ قیمتی اثاثہ ہے ۔
قصیدہ گوئی میں سودا کے بعد جو اہم نام سامنے آتے ہیں ان میں غالب اور ذوق کو بڑی اہمیت حاصل ہے ۔ دور حاضر میں ہجویہ قصائد میں صدق جائسی نے اپنے فن کا لوہا منوایا ہے ۔


قصیدہ

November 28, 2018
•


قصیدہ


“لفظ قصیدہ عربی لفظ قصد سے بنا ہے اس کے لغوی معنی قصد (ارادہ ) کرنے کے ہیں۔ گویا قصیدے میں شاعر کسی خاص موضوع پر اظہار خیال کرنے کا قصد کرتا ہے اس کے دوسرے معانی مغز کے ہیں یعنی قصیدہ اپنے موضوعات و مفاہیم کے اعتبار سے دیگر اصناف ِ شعر کے مقابلے میں وہی نمایاں اور امتیازی حیثیت رکھتا ہے جو انسانی جسم و اعضاءمیں مغز کو حاصل ہوتی ہے فارسی میں قصیدے کو چامہ بھی کہتے ہیں”۔
اردو ادب میں قصیدہ فارسی سے داخل ہوئے۔ اردو میں میرزا رفیع سودا اور ابراہیم ذوق جیسے شعرا نے قصیدے کی صنف کو اعلی مقام تک پہنچایا۔ قصیدہ ہیئت کے اعتبار سے غزل سے ملتا ہے بحر شروع سے آخر تک ایک ہی ہوتی ہے پہلے شعر کے دونوں مصرعے اور باقی اشعار کے آخری مصرعے ہم قافیہ و ہم ردیف ہوتے ہیں۔ مگر قصیدے میں ردیف لازمی نہیں ہے۔ قصیدے کا آغاز مطلع سے ہوتا ہے۔ بعض اوقات درمیان میں بھی مطلعے لائے جاتے ہیں ایک قصیدے میں اشعار کی تعداد کم سے کم پانچ ہے زیادہ سے زیادہ کی کوئی حد مقرر نہیں۔ اُردو اور فارسی میں کئی کئی سو اشعار کے قصیدے بھی ملتے ہیں۔

اجزاء

تشبیب  ،، گریز ،،  مدح ،،    دعائیہ



تشبیب

قصیدے کا پہلا حصہ تشبیب کہلاتا ہے۔ اس میں شاعر عشق و عاشقی کی باتیں، شباب جوانی کے قصے اور فضا کی رنگینی کا حال بیان کرتا ہے۔

گریز

تشبیب کے بعد قصیدے میں گریز کی منزل آتی ہے گریز کی یہ خوبی قرار دی گئی ہے کہ تشبیب کے بعد ممدوح کا ذکر نہایت ہی فطری اور موزوں طریقے سے کیا جائے یعنی بیان میں ایک فطری مناسبت، تسلسل اور ربط قائم رہے۔

مدح

قصیدے کا سب سے ضروری جز مدح سرائی ہے۔ اور اسی پر قصیدے کی بنیا د ہوتی ہے۔ عربی قصائد میں مدح حقیقت اور واقعیت سے بھر پور ہوتی تھی۔ یہی وجہ ہے کہ جب ایک عرب شاعر کو کسی نے اپنی مدح پر مجبور کیا تو اس نے جواب دیا کہ ” تم کچھ کرکے دکھائو تو میں تمہاری مدح کروں۔“ مگر فارسی اور اردو میں مدح کا معیار خیال آفرینی اور مبالغہ ہوتا ہے۔ یہاں ممدوح کی ذات میں مثالی خصوصیات فرض کرکے بیان کی جاتی ہیں۔ قصیدوں میں مدح کا حصہ اکثر تکرار مضامین کی وجہ سے بے لطف ہو جاتا ہے۔

دعائیہ

قصیدے کا آخری حصہ دُعائیہ ہوتا ہے اس میں ممدوح کو بلند اقبال اور درازی عمر کی دعا دی جاتی ہے۔ بعض اوقات شاعر اپنی اچھی یا بری حالت ظاہر کرتا ہے۔ دعا کے ذریعے قصیدہ گو اپنا صلا بھی طلب کرتا ہے۔ دعا قصیدے میں نازک مقام ہے اور قصیدے کی کامیابی کا انحصار زیادہ تر دعا پر ہی ہوتا ہے اور قصیدے کے مقطع میں شاعر اپنا تخلص لاتا ہے۔







قصیدہ سے کیا مراد ہے؟

کہتے ہیں۔قصیدہ شعری صنف کے اعتبار سےعربوں کی ایجاد ہے۔ Eulogy قصیدہ عربی زبان کا لفظ ہے۔اس کو انگریزی میں

قصیدہ لفظ قصد سے ہےجس کے معنی ارادہ کرنے کے ہیں۔بعض روایات کے مطابق اس کے معنی مغز کے بھی ہیں۔ مراد یہ ہے کہ قصیدہ تمام اصنافِ شعری میں وہی حیثت رکھتا ہے جو انسانی جسم میں سر یا مغز کی ہے۔ اس کوفارسی میں چامہ کہتے ہیں۔ یوں تو قصیدہ کے اصطلاحی معنی کسی زندہ شخصیت کی تعریف کرنا کے ہیں۔اسکو جنگی ادوار میں سرداروں اور قبائلی حکام کی تعریف کے لیے استعمال کیا جاتا ہے۔عرب کی فتوحات کی بدولت یہ صنفِ شاعری ایران میں آئی اور پھر یہاں سے برصغیر میں منتقل ہوتی چلی گئی۔

قصیدہ دراصل درباری طرز کی شاعری ہے جس میں شان وشوکت، جاہ و جلال، جوش اور ولولے کو امتیازی حیثت حاصل ہوتی ہے۔ شاہی درباروں میں قصیدے کو ہر دلعزیزی حاصل ہوئی مگر مغلیہ دور کے زوال کے ساتھ ہی اس صنفِ شاعری کا رنگ کچھ پھیکا پڑنا شروع ہو گیا۔اور یہ صنف حمد و نعت میں زم ہوتی چلی گئی۔

ہیت کے اعتبار سے قصیدہ غزل سے ملتی جلتی صنف ہے۔اس کی بحر شروع سے لے کر آخر تک ایک ہی ہوتی ہے۔اس کا آغاز مطلع سے ہوتا ہے اور ردیف لازم نہیں ہوتا۔اس کے کم از کم اشعار کی تعداد پانچ ہے جبکہ زیادہ سے زیادہ اشعار کی تعداد مقرر نہیں۔اردو اور فارسی زبان میں کئی کئی سو اشعار کے قصیدے ملتے ہیں۔قصیدہ کے پانچ اہم اجزاء یہ ہیں؛

تشبیب؛

تشبیب کے معنی شباب کے ہیں۔ یہ قصیدہ کا ابتدائی حصہ ہے۔ اس میں صرف نفسِ مضمون باندھاجاتا ہے۔

گریز؛

یہ قصیدے کا دوسرا جز ہے جس میں لکھاری اصل موضوع کی طرف توجہ دلاتا ہے۔قصیدہ اور گریز میں ربط ہونا بے حد ضروری ہے کیونکہ اس کی بدولت ہی ایک قصیدہ شاندار تصور کیا جاتا ہے۔

مدح؛

اس حصہ میں قصیدہ گو اس شخصیت کی تعریف بیان کرتا ہےجس پر قصیدہ لکھا جا رہا ہوتا ہے۔اس کی شجاعت، بہادری کے پل باندھے جاتے ہیں اور بعد میں اس کے ساز و سامان کی بھی تعریف کی جاتی ہے۔

طلب؛

اس جزو میں شاعر ممدوع سے اپنی بیان کی گئی مداح کا صلہ طلب کرتا ہے۔

دعا؛

یہ قصیدے کا آخری جزو ہے اس میں شاعر ممدوع کے لیے دعا طلب کرتا ہے۔



اردو ادب کی اہم معلومات

November 10, 2018
•

اردو ادب کی اہم معلومات


1۔ پہلے مشہور شاعر ۔ امیر خسرو
2
۔ پہلے صاحب دیوان شاعر ۔ محمد قلی قطب شاہ
3
۔ پہلے صوفی شاعر ۔ میر درد
4
۔ پہلے ناول نگار ۔ ڈپٹی نذیر احمد (مراۃ العروس)
5
۔ پہلے افسانہ نگار ۔ پریم چند
6
۔ پہلے نثر نگار ۔ ملا وجہی (سب رس)
7
۔ قصیدے کی ابتداء ۔ محمد رفیع سودا
8
۔ پہلے مضمون نگار ۔ سید احمد خان
9
۔ سفرنامہ کا آغاز ۔ یوسف کمبل پوش
10
۔ خطوط نگاری کا آغاز ۔ مرزا غالب (عود ہندی)
11
۔ خاکہ نگاری کا آغاز ۔ فرحت اللہ بیگ
12
۔ ملی و قومی شاعری ۔ الطاف حسین حالی
13
۔ پہلے ڈرامہ نگار ۔ امانت لکھنوی (اندر سبھا)
14
۔ سوانح نگاری ۔ الطاف حسین حالی
15
۔ عوامی شاعر ۔ نذیر اکبرآبادی
16
۔ شاعر انقلاب + شاعر اعظم ۔ جوش ملیح آبادی
17
۔ مصور غم۔ علامہ راشد الخیری
18
۔ مصور حقیقت ۔ علامہ اقبال
19
۔ شاعر اسلام ۔ حفیظ جالندھری
20
۔ تاریخی ناول۔ فردوس بریں
21
۔ علم الاقتصاد ۔ علامہ اقبال کی پہلی نثری کتاب
22
۔ اردو کا عمر خیام۔ ریاض خیر آبادی
23
۔ اردو کا شیکسپیئر ۔ آغا حشر کاشمیری
24
۔ طوطی ہند۔ امیر خسرو
25
۔ پہلے تنقید نگار۔ مولانا الطاف حسین حالی (مقدمہ شعر و شاعری )
26
۔ خدائے سخن شاعر ۔ میر تقی میر
27
۔ غالب سے پہلے دربار سے منسلک شاعر ۔ ذوق
28
۔ علامہ اقبال کی پہلی نظم ۔ ہمالہ
29
۔ علامہ اقبال کا پہلا اردو شاعری مجموعہ ۔ بانگ درا
30
۔ علامہ کا اردو اور فارسی پر مشتمل شاعری مجموعہ ۔ ارمغان حجاز
32
۔ نظم ساقی نامہ ۔ علامہ اقبال
33
۔ اردو کا لفظی مطلب ۔ لشکر
34
۔ اردو ترکی زبان کا لفظ ہے
35
۔ ریختہ کا مطلب ۔ ایجاد کرنا
36
۔ ریختی شاعری ۔ زنانہ شاعری
37
۔ مغل دور کی سرکاری زبان ۔ فارسی
38
۔ اردو کی ترویج، انگریزوں نے فورٹ ولیم کالج قائم کیا
39
۔ اردو نثر کا آغاز ۔ فورٹ ولیم کالج
40
۔ اردو دفتری زبان بنی۔ 1832
41
۔ آب گم کس۔ مشتاق احمد یوسفی
42
۔ نیرنگ خیال۔ محمد حسین آزاد
43
۔ آب حیات ۔ محمد حسین آزاد
44
۔ کپاس کا پھول ۔ احمد ندیم قاسمی
45
۔ قرآن مجید کا پہلا اردو ترجمہ ۔ شاہ رفیع الدین 1786
46
۔ قرآن مجید کا پہلا بامحارہ اردو ترجمہ ۔ شاہ عبدالقادر 1790
47
۔ شعراء کی چپقلش تھی۔ انشاء اور جرات
48
۔ سراوادی سینا۔ فیض احمد فیض
49
۔ دست صبا ۔ فیض
50
۔ نقش فریادی۔ فیض
51
۔ غبار ایام۔ فیض
52
۔ دست تہہ سنگ ۔ فیض
53
۔ فسانہ عجائب ۔ رجب علی بیگ
54
۔ ماہ تمام ۔ پروین شاکر
55
۔ صدر برگ ۔ پروین شاکر
56
۔ روزنامہ جنگ کے بانی۔ میر خلیل الرحمٰن
57
۔ رباعی کا سب سے بڑا شاعر ۔ عمر خیام
58
۔ بازار حسن۔ پریم چند
59
۔ آنگن ۔ خدیجہ مستور
60
۔ اداس نسلیں ۔ عبداللہ حسین
61
۔ راجہ گدھ ۔ بانو قدسیہ
62
۔ میر انیس ۔ مرثیہ نگاری
63
۔ شہر آشوب ۔ ظفر علی خان
64
۔ تلمیح ۔ تاریخی اشارہ
65
۔ ڈرامہ، اندھیرا اجالہ۔ یونس جاوید
66
۔ آرام و سکون ۔ امتیاز علی تاج
67
۔ ترقی پسند تحریک ۔ 1936
68
۔ ترقی پسند تحریک کی بنیاد ۔ مارکس ازم
69
۔ آگ کا دریا ۔ قرت العین حیدر
70
۔ رباعی ۔ چار مصرعے
71
۔ مخمس ۔ جس نظم کے تمام بندھ پانچ مصرعوں پر مشتعمل ہوں
72
۔ مسدس ۔ نظم جس کا ہر بندھ چھ مصرعوں پر مشتعمل ہوتا ہے
73
۔ دوہا۔ دو مصرعوں کی نظم
74
۔ غزل عربی زبان کا لفظ ۔ عورتوں کی باتیں
75
۔ نثر کے معن۔ بکھرا ہوا
76
۔ علامہ اقبال کی آخری نظم۔ حضرت انسان

 
Copyright © اردوادب. Designed by OddThemes